Mwarimu yazengurukije abana 30 ikibuga cyuzuye amabuye bapfukamye, ngo batsinzwe Igifaransa

Mwarimu yazengurukije abana 30 ikibuga cyuzuye amabuye bapfukamye, ngo batsinzwe Igifaransa
Umwarimu witwa Nizeyimana Esperee wigisha mu ishuri rya Ecofo Ngobeke riherereye muri Gitega mu Burundi, yazengurukije abanyeshuri 30 ikibuga cyuzuye amabuye bapfukamye, abazize gutsindwa imyitozo y’isomo ry’Igifaransa.

BBC dukesha iyi nkuru ivuga ko uyu mwarimu yazengurukije aba banyeshuri ikibuga mu minsi itandatu ishize, kugeza ubwo bamwe muri bo bakomeretse ku mavi, bajyanwa ku bitaro, bashyirwaho ibipfuko.

Ubwo byamenyekanaga, umwarimu ngo ntiyasubiye ku kazi. Ubuyobozi bw’ishuri bwo bwafashe icyemezo cyo kumuhagarika, bunamuhamagarira abashinzwe umutekano bamuta muri yombi nk’uko umuyobozi w’iri shuri, Manirambona Placide yabitangaje.

Manirambona yagize ati: “Nizeyimana Esperee yahagaritswe kuri uyu munsi, tarikiya 6 Kamena mu masaha y’igitondo, ahita ajyanwa ku murwa mukuru Gitega aho ategereje kugezwa imbere y’ubutabera.”

like
0
dislike
0
love
2
funny
0
angry
0
sad
2
wow
0