Ubwoko bushya bwa Covid-19 bwagaragaye muri Vietnam

Ubwoko bushya bwa Covid-19 bwagaragaye muri Vietnam

Minisitiri y’Ubuzima muri Vietnam, yatangaje ko hari abarwayi bane bagaragaweho ubwoko bushya bwa Covid-19, bikekwa ko bugizwe na bimwe mu bigize ubwoko bwa Covid-19 bwagaragaye bwa mbere mu Bwongereza no mu Buhinde.

Mu kwezi gushize, Vietnam yabonye ubwandu bushya bungana n’ubwo yari yarabonye kuva iki cyorezo cyatangira, bituma hari abakeka ko ubu bwoko bushya bwa Coronavirus ari yo ntandaro y’iri zamuka ridasanzwe.

Minisitiri w’Ubuzima muri Vietnam, Nguyen Thanh Long, yemeje aya makuru, avuga ko “Ubwoko bushya bwa Coronavirus bwagaragaye bwa mbere muri Vietnam.”

Uyu muyobozi ariko yavuze ko atekwemeza neza niba ubu bwoko bushya bwa Coronavirus ari yo ntandaro y’ubwiyongere bw’iki cyorezo, kuko bakirimo kubikoraho ubushakashatsi ku bufatanye n’Ishami ry’Umuryango w’Abibumbye ryita ku Buzima, OMS.

Kugeza ubu Vietnam yamaze gushyiraho ingamba zo kugabanya ikwirakwira ry’iki cyorezo, zirimo gufunga restaurant ndetse no guhagarika amateraniro y’abantu barenze 10.

Iki gihugu kandi gifite umugambi wo kubona inkingo miliyoni 150 zizakingira abaturage miliyoni 98 bitarenze uyu mwaka.