Abavuye mu Rwanda bose bagiye muri Kenya bakuriweho akato kubera Covid-19

Abavuye mu Rwanda bose bagiye muri Kenya bakuriweho akato kubera Covid-19

Guverinoma ya Kenya yashyize ahagaragara urutonde rw’ibihugu abagenzi  babiturutsemo basonewe kubanza kujya mu kato k’iminsi 14 bakihagera.

Indege mpuzamahanga zigomba gusubukurwa ku wa gatandatu amezi ane nyuma yo guhagarikwa mu rwego rwo gukumira ikwirakwizwa rya coronavirus.

Abagenzi bose bagomba kubanza kwerekana icyangombwa cyemeza ko bipimishije COVID-19 mugihe cyamasaha 96 mbere yurugendo bagasanga ari bazima.

Abagenzi bageze muri Kenya kandi bazajya babanza bapimwe umuriro bakihagera.

Ibihugu 18 byasonewe akato birimo Ubwongereza, Ubufaransa, Ubutaliyani, Etiyopiya, Uganda n’u Rwanda.

Amerika nayo iri kurutonde, ariko abantu baturuka muri Californiya, Florida na Texas ntibazasonerwa akato.

Iyi izaba ari inkuru nziza kubantu bakora mu nganda nini z’ubukerarugendo za Kenya kuko guhagarika ingendo mpuzamahanga byatumye resitora n’anadi maguriro agwa mu gihombo.