APR FC yavuze ku makuru yavugaga ko yirukanye umutoza wayo wungirije kubera kutumvikana n’umukuriye

APR FC yavuze ku makuru yavugaga ko yirukanye umutoza wayo wungirije kubera kutumvikana n’umukuriye

Ubuyobozi bwa APR FC bwamaganye amakuru yabyutse avugwa mu gitondo cyo kuri uyu wa Kabiri Tariki 24 Werurwe ko umutoza wayo wungirije ndetse wongerera ingufu abakinnyi Nabyl Bekraoui yitukanwe.

Nkuko umunyamabanga mukuru wa APR FC, Lt. Col Slyvestre Sekaramba yabitangarije urubuga rw’iyi kipe dukesha iyi nkuru,umutoza Nabil aracyari mu ikipe y’ingabo z’igihugu ndetse ibivugwa byose ari ibihuha.

Yagize ati: “Amakuru yiriwe avugwa ko umutoza wungirije Nabyl Bekraoui yaba yaragiye ntabwo ari yo, uyu mutoza arahari cyane cyane ko nta n’itangazo twigeze dushyira hanze rivuga ko twaba twaramusezereye cyangwa ko tumuhagarike. Ubwo rero ibivugwa byose ni ibinyoma kuko nta gihamya gihari cyavuye muri APR FC ko Nabyl yaba atakiri umutoza wayo.”

Umunyamabanga mukuru akaba yakomeje avuga ko n’ibivugwa ko haba hari umwuka mubi hagati ya Nabyl n’umutoza mukuru Mohammed Adil, nabyo atari byo.

Yakomeje agira ati: “Oya ibyo nabyo sibyo rwose, nta mwuka mubi uri hagati y’abatoza bacu kuko umutoza mukuru Mohammed Adil niwe wazanye Nabyl Bekraoui babanye neza nta kibazo kiri hagati yabo.”

APR FC yavuze ku makuru yavugaga ko...