Breaking News: APR FC itwaye igikombe cya Champiyona,Heros na Gicumbi Fc ziramanuka

Breaking News: APR FC itwaye igikombe cya Champiyona,Heros na Gicumbi Fc ziramanuka

Umwanzuro FERWAFA iamaze gushyira hanze nuko Champiyona ishyizwe ku musozo APR FC ikaba itwaye igikombe n'amanota 57 mu mikino 24 mu gihe Gicumbi FC na Heros FC zari zifite amanota 16 zimanutse mu cyiciro cya kabiri.

Kuri uyu wa Gatanu FERWAFA yafashe umwanzuro wo gusoza Shampiyona kubera icyorezo cya Covid-19 cyugarije isi ndetse n'u Rwanda muri rusange.

Impaka zario zose z'uburyo shampiyona izasozwa itarangiye dore ko amakipe yakinnye imikino myinshi ari 24 andi 23 bikaba bivuze ko hari hasigaye imikino 7.

Ikipe y a Kabiri ni Rayon Sports ifite amanota 51 ikaba yarushwaga na APR FC amanota atandatu ndetse iyo imikino ikomeza yashoboraga kuzayakuramo ariko  kubera Covid-19 gusubukura imikino bikaba bidashoboka.

Minisiteri ya Siporo iherutse gutangaza ko imikino izasubukurwa mu kwezi kwa Nzeri ndetse na Leta ikaba itemera ko imikino ikwiye gukomeza guhagaragara mu rwego rwo kurwanya Covid-19.

Akaba aribyo bitumye FERWAFA isoza Shampiyona ndetse igatanga n'igikombe kugira ngo habashe gutegurwa imikino y'umwaka utaha.