Burundi: Igikombe cya shampiyona cyabonye nyiracyo

Burundi: Igikombe cya shampiyona cyabonye nyiracyo

Hari mu mukino w’umunsi wa 29 wa shampiyona y’ikiciro cya mu Burundi ibura umunsi umwe w’imikino igasozwa.

Ibitego bya Olivier Bayizere ku munota wa 49 w’umukino, icya Iddy Museremu cyo ku wa 51 ndetse n’icya Arthur Nibikora cyo ku munota wa 82; byari bihagije ngo Le Messager Ngozi y’umutoza Jimmy Ndayizeye ibone amanota atatu yayifashije gutwara igikombe cya shampiyona y’u Burundi.

Iyi kipe yaherukaga gutwara igikombe cya shampiyona y’u Burundi mu mwaka w’imikino wa 2017/18.

Gutsinda uyu mukino byatumye Le Messager Ngozi igira amanota 61, ikaba irusha Musongati FC ya kabiri amanota atanu, mu gihe shampiyona y’u Burundi ibura umunsi umwe w’imikino ikarangira.

Umunsi wa 29 wa shampiyona y’u Burundi wanasize uciye urubanza ku makipe atatu agomba kumanuka mu kiciro cya kabiri yahise amenyekana, ari yo LLB Academy (yaraye itsinze Vital’o ibitego 2-1) ya 14 ku rutonde rwa shampiyona, Ngozi City ya 15 na Les Lierres FC ya nyuma n’amanota 22.

What's Your Reaction?

like
0
dislike
0
love
0
funny
0
angry
0
sad
0
wow
0