Burundi: Perezida Ndayishimiye na madamu we bagaragaye bacigatiye icyana cy'ingururbe

Burundi: Perezida Ndayishimiye na madamu we bagaragaye bacigatiye icyana cy'ingururbe
Perezida w’u Burundi, Evariste Ndayishimiye, yagaragaye we n’umufasha we, Angeline Ndayubaha, bateruye ikibwana cy’ingurube bari bagiye koroza umwe mu miryango ngo kibafashe kwiteza imbere.

Amafoto y’uriya mukuru w’igihugu cy’u Burundi na madamu we bacigatiye ingurube ikomeje guterwaho urwenya ku mbuga nkoranyambaga.

Ni ifoto yafatiwe mu ntara ya Cibitoke iherereye mu majyaruguru ashyira Uburenganzira bw’u Burundi, aho Perezida Ndayishimiye kuri uyu wa kabiri yagiriye urugendo rusoza izo amaze iminsi akorera mu ntara zitandukanye z’u Burundi.

Aho mu Cibitoke Ndayishimiye yatashye ku mugaragaro ibikorwa bitandukanye by’amajyambere, aboneraho koroza abaturage amatungo magufi mu rwego rwo kubafasha kwiteza imbere.

Si bwo bwa mbere Ndayishimiye akoze igikorwa kigatangarirwa cyane na benshi.

Tariki ya 01 Kanama 2020 ari muri Komini Giheta ho mu ntara ya Gitega ahari hijihirijwe umunsi mukuru wahariwe amakomini, Perezida Ndayishimiye yagaragaye yikoreye ijerekani y’urwagwa anarusangira n’abaturage, ubwo yifatanyaga na bo.

Mbere y’aho yari yagaragaye ari kuvuza ingoma n’abakaraza mu Burundi hizihizwa umunsi mukuru wo gushyigikirana.

Uwo munsi kandi, Perezida Ndayishimiye yagaragaye yikoreye umufuka urimo ituro yageneye abaturage bo muri Komini Giheta mu ntara ya Gitega ari nako umufasha we Angelique Ndayishimiye nawe yari afashe igiseke.

Muri Mata ubwo Perezida Ndayishimiye yiteguraga amatora nabwo yagaragaye yikoreye umufuka urimo imfashanyo yahaye abahuye n’umwuzure waturutse ku mvura nyinshi yaguye mu Gatumba mu ntara ya Bujumbura. Akunze kandi kugaragara afatanya n’abaturage imirimo itandukanye, irimo iy’ubuhinzi n’ubwikorezi.

like
0
dislike
0
love
0
funny
0
angry
0
sad
0
wow
0