Coronavirus ikomeje kuyogoza isi,ejo muri Koreya y'epfo handuye abagera 594

Coronavirus ikomeje kuyogoza isi,ejo muri Koreya y'epfo handuye abagera  594

Koreya y'Epfo yagize umubare munini wa mbere w'abanduye coronavirus ku munsi umwe, ubwo byemezwaga ko abantu 594 bashya ari bo banduye ubu bwoko bushya bw'iyi virusi ejo ku wa gatanu.

Uko kwiyongera gutumye umubare wose w'abamaze kuyandura muri Koreya y'Epfo bagera ku 2,931, nkuko bitangazwa n'ikigo cy'iki gihugu gishinzwe kurwanya no kwirinda indwara.

Abantu 17 ni bo bamaze gupfa bishwe na coronavirus muri iki gihugu kugeza ubu.

Koreya y'Epfo ni yo ifite umubare munini w'abemejwe ko banduye coronavirus bo hanze y'Ubushinwa - igihugu ubu bwoko bushya bw'iyi virusi bwatangiriyemo mu kwezi kwa cumi na kabiri mu mwaka ushize.

Mu yandi makuru, hari impungenge ku mubare w'abantu bashya banduye batazwi aho bayikomoye bo muri Leta Zunze Ubumwe z'Amerika muri leta za California na Oregon.

Benshi muri abo bantu bashya banduye Covid-19 - indwara yo mu myanya y'ubuhumekero iterwa n'ubu bwoko bushya bwa coronavirus - bo muri Koreya y'Epfo ni abo mu mujyi wa Daegu, mu majyepfo ashyira uburasirazuba bw'igihugu.

Uwo mujyi ni wo wabaye izingiro rya coronavirus muri iki gihugu.

Gukwirakwira kwa coronavirus muri Koreya y'Epfo gufitanye isano n'umuryango wa gikristu wo mu itorero rya Shincheonji.

Abategetsi bemeza ko abo muri iryo torero bagiye banduzanya mu masengesho i Daegu nuko bakanduza n'abandi mu gihugu, nta muntu ubitahuye.

Dr Tedros Adhanom Ghebreyesus, umukuru wa OMS, avuga ko ubwoba bwa coronavirus buri mu bibazo bikomeye byo guhangana nabyoDr Tedros Adhanom Ghebreyesus, umukuru wa OMS, avuga ko ubwoba bwa coronavirus buri mu bibazo bikomeye byo guhangana nabyo

Ayo makuru mashya kuri coronavirus aje mu gihe ku munsi w'ejo ku wa gatanu ishami ry'umuryango w'abibumbye ryita ku buzima (OMS/WHO) ryongereye ikigero cyaryo cy'ibyago bitewe na coronavirus kikajya ku cyo hejuru hashoboka.

Ariko OMS yavuze ko hakiri amahirwe yo guhagarika coronavirus mu gihe haba hashenywe uruhererekane rw'uko yandura.

Dr Tedros Adhanom Ghebreyesus, umukuru wa OMS, yanashimangiye ko ubwoba n'ikwirakwira ry'amakuru ayobya biri mu ngorane zikomeye cyane zo guhangana nazo.