COVID-19:Abamaze gupfa muri Brazil ubu bararuta abo mu Bushinwa,Abacukura imva akazi kabarenze

COVID-19:Abamaze gupfa muri Brazil ubu bararuta abo mu Bushinwa,Abacukura imva akazi kabarenze

Muri Brazil ubu harabarurwa bantu barenga 5,000 bamaze kwicwa na coronavirus, imibare ubu irenze iy'Ubushinwa.

Minisiteri y'ubuzima muri Brazil yatangaje ko mu masaha 24 ashize habonetse abantu 474 bishwe n'iki cyorezo, imibare ihita igera ku 5,017.

Brazil nicyo gihugu kizahajwe cyane na coronavirus muri Amerika y'Epfo, gifite abamaze kwandura basatira 72,000.

Mu Bushinwa, aho iyi ndwara yatangiriye mu mpera z'umwaka ushize, imaze kwica abantu 4,633.

Abacukura imva bafite akazi kenshi kuko imibare y'abapfa iri kwiyongera.

Abanyamerika bose muri rusange barenga 58,000 bamaze kwicwa n'iyi virus mu mezi macye ashize bararuta abantu bapfuye mu gihe cy'imyaka hafi 20 y'intambara muri Vietnam.

Ibi birasobanura ibyago bikomeye iki cyorezo cyateye leta zunze ubumwe za Amerika.

Dr Anthony Fauci, umwe mu bajyanama mu biro bya perezida wa Amerika yaburiye ko hakiri igihe ngo iki cyorezo kirangire.

Avuga ko bishobora kugera mu mpera z'uyu mwaka kikibasiye abantu niba abahanga batabonye umuti.

Dr Fauci avuga ko byanze bikunze iyi virus izagaruka ndetse kugeza mu mpeshyi bwo ntaho izaba yaragiye.