Gen. Muganga yasabye APR FC gutsinda Etoile du Sahel ibitego byinshi kuko iri mu rugo

Gen. Muganga yasabye APR FC gutsinda Etoile du Sahel ibitego byinshi kuko iri mu rugo
Umuyobozi Mukuru wa APR FC, Lt. Gen. Mubarakh Muganga arasaba abakinnyi b’iyi kipe y’ingabo gutsindira Etoile du Sahel yo muri Tunisia i Kigali, mu ijonjora rya CAF Champions League.

Ubu butumwa Gen. Muganga yabutanze ubwo yakurikiranaga imyitozo iyi kipe yakoreraga kuri sitade mpuzamahanga ya Kigali izahuriraho na Etoile ku wa 16 Ukwakira 2021.

Yabwiye abakinnyi ati: “Iminsi yagiye ngo dukine umukino ubanza hano iwacu. Intsinzi itangirira mu rugo, ni yo mpamvu tubitezeho ko intsinzi izaboneka ku wa Gatandatu. Mukore ibyanyu mu kibuga, mutsinde byinshi, nk’ubuyobozi dufite byinshi tubateganyiriza ariko namwe mufite ibyo muduhishiye; iyo ni intsinzi kandi y’ibitego byinshi.”

Gen. Muganga abona ko imyitozo aba bakinnyi bari guhabwa n’umutoza ari myiza kandi itanga icyizere ko bazatsinda. Ibindi ngo ni ibyo guharira ikibuga.

Umukino wo ku wa Gatandatu uzaba ari uwa gatatu APR FC ikinnye muri iri jonjora rya CAF Champions League y’uyu mwaka. Ni nyuma yo gusezerera Mogadishu City Club yo muri Somalia, iyitsindiye i Kigali ibitego 2-1, mu gihe umukino ubanza amakipe yombi yari yaranganyije 0-0.

like
0
dislike
0
love
0
funny
1
angry
0
sad
0
wow
0