Icyo David Bayingana abona Rayon Sports ibura ngo ibe ikipe ikomeye

Icyo David Bayingana abona Rayon Sports ibura ngo ibe ikipe ikomeye

Umunyamakuru akaba n’umusesenguzi w’imikino, David bayingana avuga ko ikipe ya Rayon Sports yujuje byose ariko ikaba ibura uburyo bw’imiyoborere bw’igihe kirambye kugira ngo ibe ikipe ikomeye ku ruhando mpuzamahanga.

Ibi uyu mugabo yabitangaje yaganiraga n’abakunzi b’imikino ku rubuga rumwe rwa WhatsApp(Rugagoyacu Fans Group), aho yahaye umwanya abakunzi b’imikino kugira byinshi bamubaza bafitiye amatsiko.

Ubwo yari abajijwe ku giti nk’umusesenguzi ikintu abona Rayon Sports ibura nk’ikipe ifite abafana benshi mu gihugu ariko ikaba itarafatisha ku ruhando mpuzamahanga nk’ikipe ikomeye, yavuze ko icya mbere habura uburyo bw’imiyoborere burambye kuko buri muyobozi ugiyeho azana ibye.

Yagize ati“muri Rayon Sports icyo ibura ni Long term Management Plan(uburyo bw’iyoborere burambye) ikwiye kuba ifite ibice byinshi ... Aho ikigezweho uko cyapanzwe kivivurwa.”

“Kuba Nta murongo urambuye ikipe ifite, bituma uje wese ashyiraho ibye, Rayon sports yari ikwiye guha umurongo abaje kuyiyobora, bakongeramo ubumenyi bwa bo, aho kuza bayihimbira umurongo uko babyumva.”

Rayon Sports ni ikipe yagiye ivugwamo kugira ibibazo by’imiyoborere ndetse iyo umuyobozi umwe avuyeho aba asa nuvanyeho n’ibyo yatangije, umusimbuye akaza atangira kubaka bundi bushya, ni kimwe Bayingana abona gituma itagera ku ruhando mpuzamahanga.

Rayon Sports ngo yakabaye iha umurongo abaje kuyiyobora