Ikindi cyiciro cy’impunzi zaturutse muri Libya cyageze mu Rwanda (amafoto)

Ikindi cyiciro cy’impunzi zaturutse muri Libya cyageze mu Rwanda (amafoto)
Mu ijoro ry’uyu wa 19 Ugushyingo 2020, u Rwanda rwakiriye icyiciro cya kane cy’impunzi n’abasaba ubuhungiro 79 bari baraheze muri Libya.

Nyuma yo kugera ku kibuga cy’indege mpuzamahanga cya Kigali, i Kanombe, babanje kujyanwa mu kato mu mahoteli mu gihe bategereje gupimwa icyorezo cya Covid-19.

Minisiteri y’Ubutabazi mu Rwanda ifite impunzi mu nshingano, yatangaje ko izi mpunzi n’abasaba ubuhungiro nibamara kubona ibyavuye mu bipimo bya Covid-19 bafashwe, bazabona koherezwa mu nkambi y’agateganyo ya Gashora iherereye mu Karere ka Bugesera.

U Rwanda rwakira izi mpunzi n’abashaka ubuhungiro by’igihe gito, bijyanye n’amasezerano rwasinyiye hamwe n’Umuryango Mpuzamahanga wita ku mpunzi (UNHCR) n’Umuryango wa Afurika Yunze Ubumwe (AU), yo ku wa 10 Nzeri 2019.

 Nyuma yo kugera ku kibuga cy’indege, bajyanwe aho bapimirwa Covid-19

like
0
dislike
0
love
0
funny
0
angry
0
sad
1
wow
0