Indege nini ishaje yaheze munsi y’ikiraro

Indege nini ishaje yaheze munsi y’ikiraro
Indege nini yari iy’ikigo cy’ubwikorezi bwo mu kirere cya Air India mu Buhinde yaheze munsi y’ikiraro mu murwa mukuru w’igihugu, New Delhi.

BBC dukesha aya makuru ivuga ko iyi ndege yaheze muri iki kiraro ubwo yari itwariwe mu muhanda n’abayiguze nk’igikoresho kitagikora.

Amashusho yashyizwe hanze n’umunyamakuru witwa Ashoke Raj, agaragaza imodoka ziri ku muhanda uri munsi y’iki kiraro, zitambuka kuri iyi ndege bigaragara ko yakuweho amababa.

Mu butumwa yashyize kuri Twitter, yagize ati: “Iyi ni indege yashaje ya Air India yamaze kugurishwa. Yari itwawe mu ijoro na ba nyirayo.”

Umwe mu bakoresha Twitter yasubije uyu munyamakuru ati: “Iyi ndege yafashwe mu ijoro rya tariki ya 2 Ukwakira 2021. Nabonye abakozi bagerageza kuyikuramo saa saba z’ijoro…”

Air India yatangaje ko ntaho igihuriye n’iyi ndege, urwego rushinzwe ibibuga by’indege muri New Delhi narwo ruvuga ko nta kibuga kiri muri uyu mujyi yaturutseho.

like
0
dislike
0
love
0
funny
0
angry
0
sad
0
wow
0