Indonesia: Minisitiri arasaba abakire kurongora abakene kugira ngo ubukene bucike

Indonesia: Minisitiri arasaba abakire kurongora abakene kugira ngo ubukene bucike

Minisitiri w’Iterambere n’Umuco muri Indonesia, Muhadjir Effendy yasabye abaturage bakize mu gihugu ko barongora/bashyingiranwa n’abaciye bugugufi (abakene) kugira ngo igihugu kigabanye ubukene.

Mu nama yabereye mu Mugi wa Jakarta ku wa Gatatu tariki ya 19 Gashyantare 2020 nk’uko ikinyamakuru Tempo cyabitangaje, Minisitiri Muhadjir ati: “Bigenda bite iyo umukene ashakanye n’umukene? Haziyongera ingo zikennye. Iki ni ikibazo muri Indonesia.”

Iki gihugu kirimo ubwiganze bw’abayoboke b’idini rya Islamu, aho usanga abasengera hamwe bakunze gushyingiranwa, ugasanga bahuje n’ubushobozi (abakire ku bakire). Muhadjir arasaba Minisitiri Ushinzwe Amadini kwinjira muri iki kibazo, “Abakire bagashaka abakene, abakene bagashaka abakire.”

Muri Indonesia, abaturage baYINGA 10% bari munsi y’umurongo w’ubukene (poverty line) mu 2018, mu 2019 bari ku 9.4%. Muri rusange mu myaka itanu, ubukene muri iki gihugu bwaragabanyutse kuko mu 2013, abari munsi y’uyu murongo bari ku kigero cy’10.4%.

Banki y’Isi ivuga ko kuva mu 1999 kugeza mu 2019, ubukungu bwa Indonesia bwikubye akarenze kabiri. Ni igihugu kigishakisha uburyo bwose bwatuma ubukene bucika.