Ingabo za Uganda zakoze umukwabu wo gukuraho ibirango byamamaza Bobi wine

Ingabo za Uganda zakoze umukwabu wo gukuraho ibirango byamamaza Bobi wine
Ingabo za Uganda, binyuze mu ishami ryazo rishinzwe umutekano n’ikinyabupfura (Military Police) kuri uyu wa Kane zakoze umukwabu wo gukuraho ibyapa n’ibirango byamamaza umukandinda w’ishyaka National Unity Platforn, Robert Kyagulanyi uzwi nka Bobi wine.
Bimwe mu byafashwe mu mukwabu wakozwe n’ingabo

Inkuru ya Chimp Reports ivuga ko iki gikorwa kije gikurikira ibikorwa byo gusaka ibiro by’iri shyaka biherereye mu gace ka Kamwikya mu mujyi wa Kampala.

Ibyapa byamamaza ishyaka NUP byavanwagaho bigashyirwa mu modoka nini izi ngabo zari zitwaje mu gihe ibyapa bito byo byashyirwaga ahagenewe gushyirwa imyanda.

Umuvugizi wa Police ya Uganda Fred Enanga yavuze ko impamvu yari yihishe inyuma y’iki gikorwa, ari uko abarwanashyaka ba NUP bagiye bakoresha ibyapa n’ibindi birango biriho ibirango bya Gisirikare mu buryo butemewe.

Ingabo za Uganda mu mwaka ushize nibwo zigeze kurega inganda ebyiri zo muri Uganda zivuga ko bakora ibirango by’amapetibisa n’iby’ingabo za Uganda bakabishyira ku myenda y’abasivili bitemejwe n’amategeko ya Uganda.

Iteka rya Peredida wa Uganda ryo kuwa 18 Nzeri 2019 ribuza gukora , kwigana, kugura cyangwa gucuruza imyambaro iriho ibirango bisa n
ibya Gisirikare , no kubishyira ahandi hantu hahurirwa n’abantu benshi. Iyi ikaba ariyo mpamvu yashingiweho bamanura bimwe mu byapa bya NUP byari mu mujyi wa Kampala. }

like
0
dislike
0
love
0
funny
0
angry
0
sad
0
wow
0