Inuma yisirisimbye imbere y’izamu rya APR FC mu mikino wayihuye na AS Muhanga yatangaje benshi (Amafoto)

Mu mukino wa Shampiyona Azam Rwanda Premier League wahuje APR FC na AS Muhanga kuri Stade ya Muhanga, Ikipe itozwa na Abdou Mbarushimana yari ku kibuga cyayo yaje kuhakura intsinzi y’ibitego 2-1.

Inuma yisirisimbye imbere y’izamu rya APR FC mu mikino wayihuye na AS Muhanga yatangaje benshi (Amafoto)

Mu mukino wa Shampiyona Azam Rwanda Premier League wahuje APR FC na AS Muhanga kuri Stade ya Muhanga, Ikipe itozwa na Abdou Mbarushimana yari ku kibuga cyayo yaje kuhakura intsinzi y’ibitego 2-1.

Uyu mukino wari ufite agaciro kanini kuri APR FC dore ko yarushwaga amanota ane na mukeba Rayon Sports iri ku mwanya wa mbere.

Iyo iramuka itsinze yari kugabanya ikinyuranyo cy’amanota irushwa na mukeba maze hakazarebwa uko amakipe yombi azitwara mu mikino ibiri izakurikiraho yaba APR FC izakira Espoir igasoreza kuri Police FC ndetse na Rayon Sports izasura Kirehe igasoza shampiyona yakira Marines FC i Kigali.

Ni umukino waranzwe n’agashya aho mu ntangiriro z’igice cya kabiri inuma yaje imbere y’izamu rya APR FC ryari ririnzwe na Kimenyi Yves maze ihamara igihe kijya kungana n’iminota ibiri iza kuhakurwa n’uyu munyezamu.

Iki gisiga cyahagaze ku nguni y’urubuga rw’amahina (Surface de réparation) ry’ikipe y’ingabo z’igihugu , ntiyahava kugeza ubwo byabaye ngombwa ko rutahizamu Mugunga Yves wishyushyaga yitegura gusimbura agerageza kuyitera amabuye ariko biranga biba iby’ubusa.

Hashize akanya, Mugunga wabonaga ko iyi numa idakangwa n’amabuye cyane cyane ko yari ihagaze mu kibuga akanga gukomeza gutera andi mabuye, yaje guhamagara Kimenyi wari uhugijwe n’umukino maze arayimwereka.

Kimenyi yaje ayisanga arayirukana ijya guhagarara ku idarapo ry’abafana ba APR FC nabo bahise bayamagana igenda ubwo.

Hashize akanya gato igice cya kabiri gitangiye nibwo iyi numa yururukiye mu kibuga

Mu rubuga ruto rw'izamu (surface de réparation) rwa APR FC niho yari ihagaze

Umunyezamu Kimenyi Yves yari arajwe ishinga n'umukino ntabwo yahise ayibona

Ntabwo yavaga aho iri

Uko Muhanga FC yacishagamo igana mu rubuga rwa APR FC ni nako Kimenyi yasubiraga inyuma ngo arinde izamu rye

Mugunga Yves wishyushyaga yitegura gusimbura ni we washatse guhangana n'iyi numa

Atoragura ibuye ngo ayitere ive mu kibuga

N'ubwo yayiteye ariko byabaye iby'ubusa ntiyigeze ihava

Nyuma yo kuyereka Kimenyi nawe yaje ayisatira aba ari bwo itangira kugenda imuhunga