Inzovu ebyiri zateye abaturage zinywa inzoga kugeza zisinze [AMAFOTO]

Inzovu ebyiri zateye abaturage zinywa inzoga kugeza zisinze [AMAFOTO]

Inzovu 2 zo mu gihugu cy’Ubushinwa zakoze agashya ubwo zinjiraga mu giturage kimwe cyo mu ntara ya Yunnan zinywa umuvinyo zaguyeho zirangije zirasinda zinanirwa guhaguruka.

Izi nzovu zinjiye mu rugo rumwe rwo mu gace kitwa Menghai ko mu majyepfo ashyira uburengerazuba bw’Ubushinwa zihasanga ingunguru yarimo umuvinyo,ziwahuramo umugobora zinywa litiro 30.

Abaturage babiri barimo uwitwa Li Yuncong na Wang Xiangdong bavuze ko agace kabo katewe n’inzovu 14 zirimo n’izi 2 zabanywereye umuvinyo bagahomba.

Aba bagabo bavuze ko izi nzovu zasenye inkuta z’inzu zirangije zigwa ku ngunguru yarimo litiro 30 z’umuvinyo zirawunywa mpaka ushize.

Ababonye izi nzovu mu gitondo bavuze ko zamaze kunywa uyu muvinyo zirasinda niko kuryama mu murima w’icyayi ari naho bazisanze zisinziriye bazifata amafoto.

Abashinzwe amashyamba bo bavuze ko izi nzovu zitanyoye inzoga ngo zisinde ahubwo ngo zaryamye muri uyu murima w’icyayi zishaka kuruhuka birangira agatotsi kazitwaye zinanirwa kubyuka.