Itike yamake yashyizwe kuri FRW 3,000 ku mukino wa Kirehe na Rayon Sports

Ikipe ya Kirehe izakira umukino wa rayon Sports kuri uyu wa gatanu, yashyizeho igiciro itari yarigeze yishyuza kuva yatangira gukina Shampiyona y’icyiciro cya mbere mu Rwanda

Itike yamake yashyizwe kuri FRW 3,000 ku mukino wa Kirehe na Rayon Sports

Ikipe ya Kirehe izakira umukino wa rayon Sports kuri uyu wa gatanu, yashyizeho igiciro itari yarigeze yishyuza kuva yatangira gukina Shampiyona y’icyiciro cya mbere mu Rwanda

Kuri uyu wa Gatanu i Nyakarambi aho ikipe ya Kirehe FC yakirira imikino yayo, hategerejwe umukino w’amateka hagati ya Kirehe na Rayon Sports, umukino ushobora guha Rayon Sports igikombe, cyangwa Kirehe ikamenya niba ishobora kuguma mu cyiciro cya mbere.

Kwinjira kuri uyu mukino, Ubuyobozi bw’ikipe ya Kirehe bwadutangarije ko kwinjira itike ya make ari amafaranga ibihumbi bitatu (3000 Frws), mu myanya y’icyubahiro ni 10,000 Frws, naho iruhande rw’imyanya y’icyubahiro bikazaba ari 5,000 Frws.

Ikipe ya Rayon Sports iramutse itsinze uyu mukino, yahita yegukana Shampiyona bidasubirwaho, naho Kirehe iramutse itsinze uyu mukino, icyizere cyo kuguma mu cyiciro cya mbere cyaba cyiyongereye, ikazasigara itegereje uko Gicumbi yitwara mu mikino isigaye.

Imikino y’umunsi wa 29 wa Shampiyona iteganyijwe

Ku wa Gatanu tariki 24/05/2019

Gicumbi FC vs AS Muhanga (Gicumbi)
Etincelles FC vs Mukura VS (Stade Umuganda)
AS Kigali vs Police FC (Stade de Kigali)
Kirehe FC vs Rayon Sports FC (Kirehe)

Ku wa Gatandatu Tariki 25/05/2019

Marines FC vs Sunrise FC (Stade Umuganda)
APR FC vs Espoir FC (Stade de Kigali)
SC Kiyovu vs Amagaju FC (Stade Mumena)
Musanze FC vs Bugesera FC (Stade Ubworoherane)