Kenya: Abanduye Coronavirus uyu munsi ni 66,bituma umubare uzamuka ugera 1026

Kenya: Abanduye Coronavirus uyu munsi ni 66,bituma umubare uzamuka ugera 1026

Abanduye Coronavirus muri Kenya kuri uyu wa Gatatu barenze 1000, nyuma y’uko uyu munsi gusa abandi bantu 66 basanzwemo iki cyorezo, bikaba ari ubwa mbere hagaragaye abantu benshi ku munsi umwe.

Minisitiri w’Ubuzima, Mutahi Kagwe, yavuze ko ubwiyongere bwo kuri uyu munsi bwatumye abanduye bagera ku 1029. Yavuze ko muri 66 banduye harimo 64 b’abanya-Kenya na babiri b’abanyamahanga.

Abashoferi b’amakamyo bakomeje kwiganza mu bwandu bushya bwa Coronavirus mu bihugu bya Afurika y’Iburasirazuba.

Ku wa Gatandatu w’icyumweru gishize, Perezida Uhuru Kenyatta yategetse ko imipaka ihuza icyo gihugu na Tanzania na Somalia ifungwa mu gihe cy’iminsi 30, hasigara gusa abashoferi b’amakamyo atwara imizigo bemerewe kwambuka. Uwo basanzemo Coronavirus ariko ntiyemererwa kwinjira mu gihugu.