Kenya: Umunyeshuri yemeye ko yiyiciye ababyeyi be n’abavandimwe kuko bakoreraga Satani

Kenya: Umunyeshuri yemeye ko yiyiciye ababyeyi be n’abavandimwe kuko bakoreraga Satani

Umunyeshuri witwa Simon Warunge w’imyaka 22 yemereye Polisi ya Kenya ko ari we wishe abantu batanu bo mu muryango we barimo ababyeyi be.

Uyu munyeshuri wiga muri Kaminuza, yavuze ko yifashishije ikintu gikoze mu cyuma, yakubise akica mama we, murumuna we, se na mubyara we mbere yo kubajombagura ibyuma.

BBC yatangaje ko uwo munyeshuri yabwiye Polisi ko ababyeyi be bakoreraga satani. Yavuze ko bamwangaga bakanamugambanira.

Mu muryango we harokotse bashiki be babiri bari bagiye ku ishuri ubwo byabaga.

Nyina yari asanzwe ari umuganga muri Kenya, naho se yari umuvuzi muri Leta Zunze Ubumwe za Amerika. Yari yaje mu biruhuko by’iminsi mikuru.

Hatangijwe iperereza ngo hamenyekane icyatumye uwo musore yica ababyeyi be. Umukobwa ukundana n’uwo musore na we yatawe muri yombi.