Kenyatta yashwanye n'umuhungu we nyuma yo kurenga ku amategeko ya gumamurugo

Kenyatta yashwanye n'umuhungu we nyuma yo kurenga ku amategeko ya gumamurugo
Mu ijoro ryo kuri uyu wa 27 Gicurasi, umwe mu bahungu ba Uhuru Kenyata yarenze ku mabwiriza ya guma mu rugo yigira mu birori i Mombasa bituma ashwana na se.

Uhuru Kenyatta avuga ko atashoboye kwihanganira umuhungu we ku bw’imyitwarire ye yo kuva mu rugo kuko ishobora gutuma yandura icyorezo cya Covid 19 , gusa ntiyashatse kuvuga izina ry’uwo mwana we kuko afite abahungu babiri.

Yagize ati “ Namubajije nti ko uri kumwe na nyogokuru wawe urengeje imyaka 80, ukaba warenze kuri ayo mategeko, nk’ubu yagira icyo aba uzamererwa ute mu mutima? ”

Ubusanzwe muri Kenya abantu ntibemerewe kujya ahantu hahurira abantu benshi.
Leta ya Kenya kandi yahagaritse abinjira n’abasohoka mu murwa mukuru Nairobi ndetse no mu yindi migi itatu iri ku mupaka na Mombasa irimo, ari na ho nyina n’umuhungu wa Perezida bari kubarizwa muri iyi minsi.

Mu kiganiro n’umunyamakuru wa Televiziyo yo muri Kenya NTV, Perezita Kenyatta yibutsa abaturage ko nta muntu uri hejuru y’amategeko yashyizweho mu rwego rwo gukumira icyorezo cya Covid 19.

Nkuko bbc ibitangaza, abanya Kenya banenze Kenyatta ko atahise ashyira mu kato umuhungu we nkuko bisanzwe bikorwa kuri buri muntu warenze ku mabwiriza yashyizweho muri iki gihugu. Kenyatta avuga ko yarakariye cyane umuhungu we kuko abona ari ugushyira mu bibazo nyina umubyara.

Kugeza ubu muri Kenya hamaze kwandura abantu 1,471, abamaze guhitanwa n’iki cyorezo cya Covid 19 ni 55 mu gihe abakize ari 408.

What's Your Reaction?

like
0
dislike
0
love
0
funny
0
angry
0
sad
0
wow
0