Kigali,Rusizi, Rubavu na Kirehe habonetse abarwayi 22 ba covid-19

Kigali,Rusizi, Rubavu na Kirehe habonetse abarwayi 22 ba covid-19

Minisiteri y’Ubuzima yatangaje ko kuri uyu wa 28 Kamena 2020, mu Rwanda habonetse abantu 22 bashya banduye covid-19, abakize uyu munsi ni 30.

Abarwayi bashya bagaragaye i Rusizi (8), Rubavu (7), Kigali (6), Kirehe (1), utu duce nitwo tumaze iminsi tubonekamo abarwayi gusa Kirehe ntabwo yari iherutse kubonekamo abarwayi bashya. Uretse Kigali utundi duce tubonekamo abarwayi ba covid-19 ni uduhana imbibi n’ibihugu by’abaturanyi.

Ibi byatumye umubare w’abamaze kwandura bose hamwe uba 900, abamaze gukira bose hamwe baba 443, mu gihe abo covid-19 imaze guhitana mu Rwanda ari babiri.

Ibipimo bimaze gufatwa byose hamwe ni 135 751 birimo ibipimo 3 002 byafashwe kuri uyu wa 28.

Abanyarwanda bakomeje gukangurirwa kubahiriza amabwiriza ya Leta y’u Rwanda yo kwirinda iki cyorezo kitarabonerwa umuti n’urukingo.