Kizza Besigye yashimuswe .n'imodoka ye barayijyana nyuma yo kuva mu Busuwisi(AMAFOTO)

Kizza Besigye yashimuswe .n'imodoka ye barayijyana nyuma yo kuva mu Busuwisi(AMAFOTO)

Polisi ya Uganda yoherejwe guhagarika inama y’ishyaka rya FDC (Forum for Democratic Change) ku kibuga cy’igihugu cyitiriwe Mandela giherereye muri Nambole, ita muri yombi Dr. Kizza Besigye wari mu Busuwisi kuri uyu wa 3 Ugushyingo 2019.

Nk’uko The Daily Monitor ibivuga, kuri uyu wa 4 Ugushyingo, polisi yamennye ikirahuri cy’imodoka ya Besigye maze imukuramo. Besigye yajyanwe mu yindi modoka ahantu hatazwi.

Abagize iri shyaka bagiye gukorera iyi nama kuri iki kibuga (stade) kandi polisi yari yababujije. Besigye wahoze ari umuyobozi waryo yabonye polisi itabakundira yerekeza ku kicaro cy’ishyaka giherereye mu gace ka Najjanankumbi kugira ngo abe ari ho bimurira inama gusa polisi ntiyamukundiye.

Dr.Besigye n’ishyaka rye ntibavuga rumwe n’ubutegetsi bwa Uganda. Ntiyemera imiyoborere ya Perezida Museveni ndetse akenshi yakunze kugaragara mu ruhame avuguruza imwe mu myanzuro ya leta cyane nk’iyo bigeze mu matora y’umukuru w’igihugu.

Dr. Besigye yahatanye na Perezida Museveni mu matora y’umukuru w’igihugu inshuro enye (2001, 2006, 2011na 2016) ariko ntiyigeze yemera ibyayavuyemo. Yavugaga ko habayeho kwiba amajwi ndetse mu 2016 yigeze kurahira mu ruhame ko ari we Perezida mushya wa Uganda.

Dr. Besigye atawe muri yombi ku munsi ukurikiye uwo yari i Geneva mu Busuwisi mu muhango wo gutangira inshingano nshya ku mugore we Winnie Banyima wimitswe n’Umunyamabanga Mukuru wa ONU, Antonio Guterres ngo ayobore umuryango wa UNAIDS.

Besigye yari yagiye gushyigikira umufasha we mu nshingano nshya yahawe

Polisi kandi ngo yamujyanye ari kumwe n’umushoferi we

Bamuvanye mu modoka ye ari kumwe n’umushoferi we

Polisi yayipakiye