Kuwait: Utambaye agapfukamunwa bamuca arenga Miliyoni 15

Kuwait: Utambaye agapfukamunwa bamuca arenga Miliyoni 15

Leta ya Kuwait yatangaje ko umuntu wese utambaye agapfukamunwa, imwe mu ngamba zo kwirinda ikwirakwira rya Covid-19, ashobora gufungwa igihe cy'amezi atatu cyangwa agacibwa amande arenga amadolari 16,000 ya Amerika.

Imibare y'abanduye coronavirus muri iki gihugu cyo mu kigobe cya Perse yariyongereye mu minsi micye ishize.

Kuwait imaze gutangaza abantu 16,764 banduye Covid-19, abo yishe 121 naho abayikize ari 4,681.

Qatar, ikindi gihugu cyo muri ako karere, mu cyumweru gishize cyaburiye abantu ko uzarenga ku itegeko ryo kwambara agapfukamunwa ashobora gucibwa amande arenga $50,000.

Qatar ni kimwe mu bihugu bifite abaturage bakize ku isi ubaze ku musaruro mbumbe wa buri umwe ku mwaka.

Ibihugu bitandukanye muri aka karere nka Kenya, Uganda n'u Rwanda ababituye bose bategetswe kwambara udupfukamunwa igihe bagiye hanze y'ingo zabo.