Kwa Diamond na Tanasha ntibyoroshye, hagiye gukoreswha ikizamini cya DNA

Kwa Diamond na Tanasha ntibyoroshye, hagiye gukoreswha ikizamini cya DNA

Nyuma yo kwibaruka imfura yabo, Diamond na Tanasha biravugwa ko ubu bagiye gukoresha ikizamini cya DNA kugira ngo bamenye neza niba koko umwana ari uwa Diamond, ni nyuma y’uko bigiye bivugwa ko umwana atari uwa Diamond.

Ikizamini cya DNA, ni ikizamini gikorwa hagamijwe ibintu bitandukanye, kumenya umuntu uwo ari we, gikorerwa umwana kandi bashaka kumenya se cyangwa nyina umubyara n’ibindi.

Nk’uko ikinyamakuru Global Publishers kibitangaza, ntabwo ibintu byifashe kwa Diamond na Tanasha nyuma yo kwibaruka umwana wabo tariki ya 2 Ukwakira 2019.

Amakuru iki kinyamakuru gikesha umwe mu muryango wa Diamond, avuga ko bashaka gukoresha DNA nyuma y’uko basanze uyu mwana adasa na Diamond ndetse ngo afite imisatsi isa nk’iya barabu.

Yagize ati"nyuma y’uko mama wa Diamond ashyize amafoto hanze ya bimwe mu bice by’umutwe by’uyu mwana, byakuruye ikintu gisa n’amayobera. Bamwe baravuga ngo afite imisati y’Abarabu, ngo ikizakuraho urujijo akaba ari ugukoresha iki kizamini."

Juma Lokole, inshut ya hafi y’umuryango wa Diamond we yavuze ko ukuri ari uko umwana ari uwa Diamond.

Nyina wa Diamond avuga ko ibyo byo gupima DNA nabo barimo kubibona ku mbuga nkoranyambaga, gusa ngo bakwiye gutegereza bakereba ikizakurikiraho.

Gusa na none ntitwakwirengagiza ko ataba ari inshuro ya mbere Diamond yaba agiye gukoresha ikizamini cya DNA, kuko nyuma yo kubyarana na Zari muri 2015 umwana Latifah Nasibu ‘Tiffah Dangote’, nabwo havutse inkuru zivuga ko umwana atari uwe ubundi bajya gukoresha ikizamini cya DNA.

Imisatsi y'umwana niyo yabaye imbarutso ya byose

Diamond na Tanasha bashobora gukoresha ikizamini cya DNA