Mbere yo kujya kwiyahura wa Mukobwa yabanje guteguza Kuri Whatsapp nubwo abamukurikirana batabimenye,Dore amagambo ateye agahinda yanditse

Mbere yo kujya kwiyahura wa Mukobwa yabanje guteguza Kuri  Whatsapp nubwo abamukurikirana batabimenye,Dore amagambo ateye agahinda yanditse

Umukobwa witwa Hatangimana Scolastique w’imyaka 25 y’amavuko,wiyahuriye ku nyubako ya Makuza Peace Plaza nyuma akaza gupfira mu bitaro bya CHUK hashyizwe hanze ubutumwa butandukanye yagiye ashyira ku rubuga nkoranyambaga rwa Instagram mbere yo kwiyahura.

Nkuko umwe mu nshuti z’uyu mukobwa yabitangarije ikinyamakuru UMURYANGO dukesha iyi nkuru,hari amagambo Scolastique yagiye ashyira kuri Status ye ya Whatsapp mbere ho y’umunsi yuko yiyahura aturutse mu igorofa rya kane mu nyubako iherereye mu mugi izwi nko nko kwa Makuza.


Iyi nshuti ya Scolastique,amwe mu magambo yatangaje yavuze mbere yuko ajya kwiyahura mu nyubako yo kwamakuza aragir’ati "Abo nabaniye nabi nabo nakomerekeje namwe mumbabarire,abampemukiye mutere intabwe mwicuze ubuzima dufite ku isi burebure!Hahirwa ugenda adafite umugayo".

Scolastique kandi akaba yanditse kuri Status ya Whatsapp ati "Nifuza umutima ukomeye udakomeretswa cyangwa ngo ukorweho n’ibiza,nifuza inshuti zimenya ko umutima ari nkundi .izimvura aho kumvusha,izinyubaka aho kunsenya".
Kandi uyu mukobwa akaba yari yanavuze ku muryango we n’abavandimwe be,aho yanditse agir’ati "Umuryango mubi,abavandimwe gito namwe mbifurije guhinduka".

Hatangimana Scolastique w’imyaka 25 yashizemo umwuka nyuma yo gusimbuka agwa hasi aturutse mu igorofa ya kane mu nyubako ya Makuza Peace Plaza iri mu mujyi wa kigali rwagati.

Hatangimana wagarutsweho na benshi kubera uku kwiyahura, yavutse tariki 14/03/1994, avukira ku Muhororo mu Karere ka Ngororero mu Ntara y’Uburengerazuba.

Nyina na se n’abavandimwe be batanu babishe muri Jenoside yakorewe Abatutsi, uyu mukobwa wari umaze ukwezi kumwe avutse arokokana na mukuru we wari ufite imyaka ibiri y’amavuko.

Hatangimana yarezwe n’umubikira witwa Patricia wamufashije kujya kwiga mu Buhindi mu cyiciro cya kabiri cya kaminuza.

Amashuri abanza yayize ku Gisenyi mu kigo cy’imfubyi yabagamo,ayisumbuye yayize kuri ADEC i Gatumba muri Ngororero, ariko ngo yakundaga guhura n’ihungabana bitewe n’ibikomere yatewe na Jenoside yakorewe Abatutsi.




Ubwo yahanukaga mu nyubako yo kwa Makuza ubutabazi bwahise buhagera atarashiramo umwuka


Iyi niyo nyubako izwi nka Makuza Peace Plazza yahanutsemo