Mu misozi miremire yegereye umugezi wa Rusizi humvikanye urusaku rw’amasasu

Mu misozi miremire yegereye umugezi wa Rusizi humvikanye urusaku rw’amasasu

Abaturage b’u Burundi bavuga ko bafite impungenge z’umutekano w’ubuzima bwabo nyuma y’Urusaku rw’imbunda nini rwumvikanye mu misozi miremire yo mu Ntara ya Kivu y’Amajyepfo muri Repubulika Iharanira Demokarasi ya Congo, hafi y’umupaka ugabanya ibi bihugu (RDC & Burundi).

Abaturage bavuga ko bafite ubwoba ko bagabwaho igitero n’inyeshyamba zirwanya Leta y’u Burundi,bityo bakaba bagiye bava mu byabo bahunze, inzego z’umutekano zikabasubiza mu rugo.

Amakuru agera kuri sosmedia/Burundi avuga ko ari abasirikare ba Congo (FARDC) bakozanyagaho n’inyeshyamba mu gace ka Rusizi, Teritwari ya Uvira, Intara ya Kivu y’Amajyepfo. Ati "Twageregeje guhunga ariko inzego z’umutekano zitubuza zitubwira ko ziturindiye umutekano".

Mu gitondo cyo ku wa Gatatu abasirikare, Polisi ndetse n’Imbonerakure ngo bakaba bashyizwe ku bwinshi ku mupaka w’u Burundi na Congo kugira ngo hirindwe ibitero bishobora kugabwa ku butaka bw’u Burundi, bigakorwa n’abakwambuka baciye mu mugezi wa Rusizi.

Umuturage, "Kubera urusaku rw’imbunda nini twumvise, twaketse ko ari igitero kigabwe".

Ubuyobozi bw’ingabo z’u Burundi bukaba busaba abaturage baturiye umugezi wa Rusizi kudahangayika bubizeza umutekano usesuye.

Muri Repubulika Iharanira Demokarasi ya Congo habarizwa imitwe y’inyeshyamba zirwanya Leta y’u Burundi irimo FNL, Forebu, Red-Tabara,... Buri gihe ikaba idahwema guteguza Perezida Nkurunziza intambara.