Mugabo Pie wigeze kuba Minisitiri yitabye Imana

Mugabo Pie wigeze kuba Minisitiri yitabye Imana

Mugabo Pie wigeze kuba Minisitiri w’Imibereho myiza y’abaturage muri Guverinoma ya mbere y’ubumwe, yitabye Imana kuri iki Cyumweru azize uburwayi.

Amakuru y’urupfu rwa Mugabo yemejwe n’umwe mu banyamuryango b’ishyaka rya PL yigeze kubera Perezida ko yitabye Imana “ubwo yari arwariye muri Faisal”.

Uyu mugabo wari inzobere mu mategeko yanabaye umucamanza na Perezida w’Urukiko Rukuru. Mbere y’uko yitaba Imana, yari asanzwe atanga serivisi zitandukanye mu bijyanye n’amategeko.

Mu 2017, Mugabo ari mu bacamanza bahawe umudali w’ishimwe kubera uruhare rwe mu mitangire ya serivisi inoze mu rwego rw’ubutabera mu Rwanda.