Murenzi Abdalah ni we wagizwe Perezida w’inzibacyuho wa Rayon Sports

Murenzi Abdalah ni we wagizwe Perezida w’inzibacyuho wa Rayon Sports
Urwego rw’Igihugu rw’Imiyoborere, RGB, rwemeje ko Murenzi Abdalah wigeze kuba Perezida wa Rayon Sports ari we wagizwe Perezida w’inzibacyuho w’umuryango wa Rayon Sports.

Ni nyuma y’uko ku wa kabiri w’iki cyumweru RGB yasezereye Munyakazi Sadate wa Rayon Sports na komite yari ayoboye, bashinjwa kunanirwa kubahiriza inshingano bahawe ubwo ruriya rwego rwahagarikaga komite nyobozi y’umuryango wa Rayon Sports mu minsi yashize.

Murenzi Abdalah wahawe kuyobora Rayon Sports mu nzibacyuho, asanzwe ari Perezida w’ishyirahamwe ry’umukino wo gusiganwa ku magare, Ferwafa.

Uyu mugabo ufite umubyeyi wakiniye Rayon Sports, yanabaye umuyobozi w’akarere ka Nyanza.

Abandi bagize Komite ye barimo Twagirayezu Thadée na Me Nyirihirwe Hilaire.

Mu nshingano bahawe harimo kunoza amategeko y’umuryango wa Rayon Sports no kuyahuza n’itegeko rigenga imiryango itari iya leta, gushyiraho inzego z’umuryango ziteganywa n’amategeko, gukurikirana umunsi ku wundi ibikorwa bya Rayon Sports F.C, gushyiraho uburyo buboneye bwo gukurikirana imikoreshereze y’umutungo w’umuryango no gucunga umutungo w’umuryango mu gihe cy’inzibacyuho.

Ni inshingano zigomba kubahirizwa mu gihe cy’iminsi 30.

like
0
dislike
0
love
0
funny
0
angry
0
sad
0
wow
0