Nabonibo ngo yirukanywe ku kazi azira ko ari umutinganyi, Nduhungirehe ati "’kuki bamuhoye uko Imana ya muremuye ntibyemewe"

Nabonibo ngo yirukanywe ku kazi azira ko ari umutinganyi, Nduhungirehe ati

Nabonibo Albert avuga ko nyuma y’ uko atangaje mu itangazamakuru ko ari umutinganyi byatumye bamwe mu nshuti ze no mu muryango we bamwanga ndetse ngo byanatumye yirukanwa no mu kazi.

Mu Rwanda ubutinganyi si icyaha gihanwa n’ amategeko. Umunyamabanga wa Leta muri Minisiteri y’ Ububanyi n’ Amahanga ushinzwe ubutwererane muri Afurika y’ Iburasirazuba agaragaza ko uyu mugabo atagombaga kwirukanwa mu kazi azira ko yatangaje ko ari umutinganyi.

Mu butumwa amb. Olivier Nduhungirehe yanditse kuri facebook yagize ati “ Niba Nabonibo Albert yarirukanwe ku kazi kubera uko Imana yamuremye, ibi ni ivangura ritemewe kandi binyuranyije n’ itegeko nshinga”.

Mu kiganiro Nabonibo yagiranye na UKWEZI online TV dukesha iyi nkuru avuga ko ku kazi yakoraga bamwirukaniye ubutinganyi kuko ngo yari umuhanga. Avuga ko igishimangira ko yari ashoboye akazi yakoraga ari uko yari yarazamuwe mu ntera akagirwa Finance Officer avuye kuri Principal accountant.

Akomeza avuga ko icyatumye kampani yigenga yakoreraga imwirukana ari uko yatangaje ko ari umutinganyi.

 

Nk’ uko bigaragara kuri facebook ya Kwizera Ayaba Paulin hari abibaza niba umuntu yakwitwaza ko Imana yamuremye mu maraso ye harimo ubujura ngo yakwiba ntabihanirwe.

Gusa Rwanda kwiba ni icyaha gihanwa n’ amategeko mu gihe nta tegeko rihana ubutinganyi nubwo nta tegeko ribemerera gushyingiranwa imbere y’ amategeko.