NBA: Ibyo wamenya kuri Frank Ntilikina ukomeje kugaragaza ubuhanga budasanzwe

NBA: Ibyo wamenya kuri Frank Ntilikina ukomeje kugaragaza ubuhanga budasanzwe

Frank Ntilikina ni Umufaransa wavukiye i Ixelles mu Bubiligi, kuya 28 Nyakanga 1998. Uyu musore w’imyaka 18 uvuka ku babyeyi b’Abanyarwanda yakuze akina Basketball.

Ntilikina ufite metero 1,96 n’ibiro 86, yatangiriye mu ikipe ya SIG Strasbourg akina nk’uyobora umukino (meneur) ubwo yari afite imyaka itanu nyuma yo kwimukira muri aka gace ku myaka itatu.

Mu Ukuboza 2015, yasinye amasezerano y’uwabigize umwuga muri SIG Strasbourg kuva muri shampiyona ya 2016-2017 kugeza mu 2018-2019.

Muri shampiyona ya 2015-2016, Ntilikina yakinnye yitabiriye imikino ya EuroCoupe aho ikipe ye ya SIG yageze ku mukino wa nyuma.

Muri Mata 2016, yatowe nk’umukinnyi utanga icyizere muri Shampiyona ya Basketball mu Bufaransa.

Muri Kanama 2014, Ntilikina yakinnye Shampiyona y’u Burayi mu bafite imyaka 16 n’abatayirengeje ari kumwe n’u Bufaransa ndetse begukana ibikombe byose.

Mu mpeshyi ya 2015, Ntilikina yakinnye Shampiyona y’u Burayi mu batarengeje imyaka 18 , batahana umwanya wa gatandatu.

Mu Kuboza 2016, yatwaye igikombe mu bafite n’abatarengeje imyaka 18 akinira u Bufaransa aho yatsinze amanota 31 ku mukino wa nyuma wabahuje na Lituanie. Muri iri rushanwa kandi yatowe nk’umukinnyi mwiza waryo, anashyirwa ku rutonde rw’abeza muri ryo.

Umwanya akinaho (Point guard) ni umwe n’uwo abakinnyi nka Stephen Curry wa Golden States Warriors na Kyrie Irving wa Clevaland Cavaliers cyangwa Russell Westbrook wa Oklahoma City Thunder bakinaho.

Kuri ubu Frank Ntilikina asigaye akina muri Amerika.