Nyamasheke: Umuyobozi wahondaguriraga abaturage mu isoko yatawe muri yombi

Nyamasheke: Umuyobozi wahondaguriraga abaturage mu isoko yatawe muri yombi
Nyuma y’uko abaturage barema isoko rigurishirizwamo amatungo rya Rugari riri mu murenge wa Macuba, mu karere ka Nyamasheke batangarije ko umwe mu bayobora koperative icunga umutekano w’iri soko witwa MBANJINEZA Jonathan abakubita, uyu mugabo yamaze gutabwa muri yombi.

Umwe mu baturage bacururiza mu isoko rya Rugari yabwiye bwiza.com ko uyu mugabo yagize isoko irye kuko afata abaturage, agakubita ndetse akirirwa abafunze.

Yongeye kuvuga kandi ko nko ku wa Gatatu Mbanjineza yafashe umukobwa we akamushyira ku muryango w’isoko, asaba ko nta muntu n’umwe winjira mu isoko atambaye uturindantoki. Uyu mugabo akomeza avuga ko utu turindantoki twari utwa Mbanjineza kuko n’uwaducuruzaga yari umukobwa we .

Ati: “Mu by’ukuri uyu mugabo isoko yarigize nk’irye. Ejo bundi ku wa Gatatu yazanye umukobwa we bazanaga, ku buryo uwinjiraga wese yaziguraga ku gahato kuko iyo utaziguraga utinjiraga mu isoko.”

Umunyamabanga Nshingwabikorwa w’Umurenge wa Macuba, Bigirabagabo Moïse, yemereye bwiza ko Mbanjineza koko afunzwe kuva ku wa Gatatu nimugoroba. Yagize ati: “Yego ni byo koko arafunze, afungiye kuri Sitasiyo ya Macuba , akurikiranweho gukubita umuntu.”

What's Your Reaction?

like
0
dislike
0
love
0
funny
0
angry
0
sad
0
wow
0