Oda Passy yavuze ko kugaragaza inyuma nta kibazo,ikibi ari ukwerekana imbere

Umuraperikazi nyarwanda Uzamberumwana Pacifique uzwi ku izina rya Oda Paccy yasobanuye ko ifoto y’ikibuno cya Cardi B yambaye ubusa ihurira n’indirimbo yakoze yitwa Ibyatsi

Oda Passy yavuze ko kugaragaza inyuma nta kibazo,ikibi ari ukwerekana imbere
Internet photo

Umuraperikazi nyarwanda Uzamberumwana Pacifique uzwi ku izina rya Oda Paccy yasobanuye ko ifoto y’ikibuno cya Cardi B yambaye ubusa ihurira n’indirimbo yakoze yitwa Ibyatsi

Ifoto Oda passy yakoresheje yatumye abantu benshi batabyumva kimwe ndetse bituma akurwa mu ntore ngo akaba yarabikoze mu rwego rwo kwerekana uko abanyoye ibiyobyabwenge bamera.

Oda Paccy ati "Burya umukobwa werekanye igice cyo hejuru ntabwo biteye isoni..ariko igice cyo hasi ni ibintu biteye isoni..kuko no mu ndirimbo ndavuga ngo umuntu ubinywa nyine ..ndavuga bimwe binjyana umuntu high bagata ubwenge bagasinda imyotsi bagata ikuzo..so biriya byo kwa mbara ubusa ku karubanda ni benshi twagiye tubibonana ..ni ingero nyinshi..n’uyu munsi uracyabona abakobwa basinze batahanwa n’abantu utanazi ..donc nyine ukabona ni ikintu kibabaje..so,ndavuga ngo ni ngobwa ko ngaragaza izo ngaruka..zimwe zigaragara ku muntu wanyoye ibyo biyobyabwenge..".

Aha Oda Paccy yakomeje avuga ko ifoto yakoresheje ari uburyo bwiza yari abonye bwo kugaragaza za ngaruka ziba ku muntu wakoresheje ibyo biyobyabwenge ndetse ahamya ko ifoto yakoresheje ari ubugeni umuntu bisaba gusobanura byimbitse

Ifoto Oda Paccy yakoresheje itaravuzweho rumwe n’abatari bake yavuze ko impamvu ariyo yahisemo gukoresha,ari ukubera ko indirimbo ye yari igamije kurwanya ibiyobyabwenge cyane cyane mu rubyiruko kandi ko no mu bishushanyo biri kuri icyo kibuno harimo n’iby’urumogi.

Mu magambo ye yagize ati "Iriya Cover ikintu yavuganga,ni umukobwa ufite amaTattoo menshi...so,muri ayo maTattoo buriya nuko harimo natagaragara harimo nandi yarameze nk’ibintu bimeze nk’ibimogi ukuntu...So,noneho intumbero yiriya ntuze..byari ukwerekana ingaruka zigaragara zikunze kugaragara cyane ku bantu bakoresha ibyo biyobyabwenge..".

                              Ngo naha ikibuno cyavuye

Aha umunyamakuru yaboneyeho kubaza Paccy uko yagaragaje izo ngaruka avuga ibyatsi akagaragaza ikibuno cy’umukobwa wambaye ubusa kiriho amaTattoo,Amusubiza avuga ko iyo umukobwa agaragaje umugongo wambaye ubusa ntakibazo kirimo ariko ko iyo umukobwa yerekanye igice cye cyo hasi yambaye ubusa ari ikintu giteye isoni.

Uyu muhanzikazi yambuwe izina ry’ubutore nyuma y’uko yari yakoresheje ifoto igaragaza ikibuno cy’umukobwa yambaye ubusa akandikaho ijambo ‘IBYA tsi’ ry’izina y’indirimbo yari agiye gushyira hanze yamamazaga.

Kuri iki cyumweru tariki ya 28 Ukwakira, mu kiganiro ‘The Dilema of the policing morality’ cyaciye kuri Televiziyo y’igihugu, Edouard Bamporiki bigoranye yasabye imbabazi Abanyarwanda ariko yirinda kuzisaba Oda Paccy avuga ko yigiye mu makosa yakoze