Perezida Macron yavuze ku rupfu rwa padiri ’wishwe’ n’Umunyarwanda

Perezida Macron yavuze ku rupfu rwa padiri ’wishwe’ n’Umunyarwanda
Umunyarwanda w’impunzi, Emmanuel Abayisenga, ucyekwaho gukongeza umuriro washegeshe Kiliziya Nkuru yo mu mujyi wa Nantes mu mwaka ushize, akekwaho kwica Padiri, Olivier Maire, ingingo yahagurukije abategetsi b’Abafaransa barimo na Perezida Emmanuel Macron.

Umurambo wa Padiri Olivier Maire wabonetse mu cyaro cya Saint-Laurent-sur-Sèvre mu gitondo cyo ku wa mbere.

Kuri Twitter, Perezida w’Ubufaransa, Emmanuel Macron, yavuze ko no mu maso ya Padiri Olivier hagaragaragamo "kugira ubuntu no gukunda mugenzi wawe", avuga ko yifatanyije n’abanyagatolika bose bo mu Bufaransa.

Umuntu uri bugufi y’iperereza yavuze ko uwo padiri, wari ufite imyaka 60, hari hashize amezi menshi aha ikaze uwo mugabo muri Kiliziya ye.

Uwo mugabo w’imyaka 40 usaba ubuhungiro wari umaze imyaka myinshi aba mu Bufaransa, yari asanzwe akora nk’umukorerabushake kuri iyo Kiliziya.

like
0
dislike
0
love
1
funny
0
angry
0
sad
0
wow
0