Polisi yafashe itsinda riregwa kujyanye abakobwa ba Nigeria kuba ‘indaya’ iburayi

Polisi yafashe itsinda riregwa kujyanye abakobwa ba Nigeria kuba ‘indaya’ iburayi

Polisi y'uburayi (Europol) yafashe abantu batandatu bakekwaho kuba mu itsinda ry'abagizi ba nabi riyobowe n'abo muri Finland ryajyanye abakobwa bo muri Nigeria kuba indaya i Burayi.

Iri tsinda rishinjwa gukora ibi bikorwa byo gucuruza abantu mu burayi mu bihugu birenga 15 nk'uko bivugwa na AFP.

Kuva muri Espagne, aho ukekwaho kuba umuyobozi w'iri tsinda yafatiwe, kugera muri Finland na Sweden ahafatiwe abagore n'abakobwa benshi bazanywe bagakora/bagakoreshwa ibikorwa byo kwicuruza.

Polisi yafashe hafi miliyoni eshatu z'ama-euro (ni arenga miliyari eshatu z'u Rwanda) nk'afitanye isano n'ibi bikorwa.

Bahagaritse kandi konti z'abakekwa uruhare muri ibi bikorwa ziri mu bihugu 12, banafatira imodoka zihenze, imirimbo n'ibihumbi €30,000 muri 'cash' nk'uko polisi y'i Burayi ibitangaza.

AFP ivuga ko iri tsinda ry'abagizi ba nabi, rikora ibi bikorwa byo kuzana abakobwa bagakoreshwa mu buraya i Burayi, ryinjije umutungo ugera kuri miliyoni €40 kuva mu 2010.

Ibihugu binyuranye bya Afurika byugarijwe n'ikibazo cy'icuruzwa ry'abantu batwarwa bizezwa akazi keza mu bihugu b