Rtd. Col. Kabagambe yacubije uburakari bw'abafana ba APR FC bari bariye karungu basaba ko umutoza yirukanwa

Umuhuzabikorwa w’abafana ba APR FC ku rwego rw’igihugu, Rtd. Col. Kabagambe Geoffrey, yahaye abafana igisubizo cyatumye basohoka muri Stade ya Kigali batuje nyuma yo kuvugiriza induru umutoza w’ikipe yabo, umunya-Serbia Zlatko Krmpotić, bamusabira ko yasezererwa nyuma yo gutakaza igikombe ndetse akanatsindwa na Espoir FC bari bakiriye, ibitego 2-1.

Rtd. Col. Kabagambe yacubije  uburakari bw'abafana ba APR FC bari bariye karungu basaba ko umutoza yirukanwa

Umuhuzabikorwa w’abafana ba APR FC ku rwego rw’igihugu, Rtd. Col. Kabagambe Geoffrey, yahaye abafana igisubizo cyatumye basohoka muri Stade ya Kigali batuje nyuma yo kuvugiriza induru umutoza w’ikipe yabo, umunya-Serbia Zlatko Krmpotić, bamusabira ko yasezererwa nyuma yo gutakaza igikombe ndetse akanatsindwa na Espoir FC bari bakiriye, ibitego 2-1.

Wari umukino wa shampiyona ku munsi wa 29 ubanziriza uwa nyuma, aho APR FC itari ifite icyo yaharaniraga nyuma y’uko Rayon Sports yegukanye igikombe itsinze Kirehe FC ibitego 4-0 kuri uyu wa Gatanu.

APR FC idafite abakinnyi barimo kapiteni wayo, Mugiraneza Jean Baptiste ‘Migi’, wari ku ntebe y’abasimbura, yatsinzwe ibitego byombi mu gice cya kabiri nyamara ari yo yari yabanje gufungura amazamu ku gitego yatsindiwe na Hakizimana Muhadjiri wasimbuye nyuma y’iminota 45 ibanza.

Ubwo uyu mukino wabereye i Nyamirambo wari urangiye, abafana ba APR FC bari bababajwe n’uko ikipe yabo yitwaye, butse inabi umutoza mukuru, Zlatko Krmpotić, bamuririmbira bati ‘Zlatko out’ n’andi magambo amusaba kuva mu ikipe bamushinja ko yahaye Rayon Sports igikombe cya shampiyona.

Iyi myitwarire yatumye umuhuzabikorwa w’abafana ba APR FC ku rwego rw’igihugu Rtd. Col. Kabagambe amanuka, ava mu mwanya w’icyubahiro yari yicayemo, yambukiranya ikibuga abasanga aho bari bahagaze, abasaba gutuza akabaha igisubizo bagomba gutahana.

Bose bamaze gutuza yabasobanuriye ko ikibazo cy’umutoza ndetse n’imyitwarire y’ikipe muri rusange bakizi kandi bagiye kugishakira umuti mu maguru mashya.

Ati “Ikibazo cy’umutoza ndetse n’imyitwarire y’ikipe muri rusange turakizi, natwe kiratubabaje gusa tubijeje ko tugiye kukibonera umuti bidatinze. Mutahe, kiraza gukemuka bitarambiranye.”

Nyuma y’ayo magambo abafana bahise bataha, aho ku maso yabo byagaragaraga ko banyuzwe.

APR FC yagumye ku mwanya wa kabiri n’amanota 62, iza inyuma ya Rayon Sports yatwaye igikombe cya Shampiyona ku mwanya wa mbere n’amanota 69.

Ikipe y’ingabo z’igihugu izasoza shampiyona y’uyu mwaka w’imikino 2018/19, yakiwa na Police FC mu mukino uzabera ku Mumena tariki ya 1 Kamena saa 15:00.

Abafana ba APR FC bari bariye karungu nyuma yo gutsindwa na Espoir basabiye umutoza kubavira mu ikipe

Bamukurikizaga indirimbo igira iti ''Zlatko out''

Ntibishimiye uko ikipe yabo iri kwitwara muri iyi minsi

Akiri mu kibuuga Rtd.Col. Geoffrey Kabagambe yabasabye gutuza bakumvikana

Yazaga abasatira

Byabaye ngombwa ko hizizwayo ibyapa byamamarizwaho biba bikkije ikibuga ngo abone inzira

Aza agana aho bari

Yabasabye gucisha macye maze bakumvikana

Bari abafana benshi

Nyuma y'aho yabasabye gusohoka bagataha

Nyuma y'uko bamwemereye bagataha nibwo nawe yatashye