Sadate yasubije Theodore mu bikorwa no mu magambo ntiyaripfanye amugenera ubutumwa bukomeye

Sadate yasubije Theodore mu bikorwa no mu magambo ntiyaripfanye amugenera ubutumwa bukomeye

Perezida w’ikipe ya Rayon Sports,Munyakazi Sadate yishongoye kuri mugenzi we wa Kiyovu Sports, Ntarindwa Théodore,wari wigambye kubabaza uyu mukeba ariko bikarangira ibyo yari yiteze bitamuhiriye.

Umuyobozi wa Kiyovu Sports, Ntarindwa Théodore,yari yavuze ko badatinya Rayon Sports ndetse yadodeshereje ikanzu mugenzi we Munyakazi Sadate ndetse azayimwambika amaze kumutsindira kuri Stade ya Kigali gusa byaje kurangira atabigezeho kuko igitego cya Rutanga ku munota wa nyuma cyafashije Rayon Sports kwigaranzura uyu mukeba barambanye.

Nyuma y’uyu mukino,perezida wa Rayon Sports,Munyakazi Sadate, yigambye kuri mugenzi we Theodore amubwira ko bo badaterana amagambo ahubwo basubiriza mu kibuga mu butumwa yanyujije kuri Twitter.

Yagize ati “Mu muco w’iwacu twatojwe, ntabwo tujya dusubizanya na abakuru ariko mu kibuga ubutumwa turabutanga...Theodore ikanzu wadodesheje nasanze ari wowe ibereye.Komeza ujye uyirimbana!.”

Rayon Sports yafashe umwanya wa kabiri wa shampiyona nyuma yo kubabaza Kiyovu Sports iyitsinze igitego 1-0 ku munota wa nyuma w’umukino.