Trump yanenzwe bikomeye na mushiki we ko ibikorwa bye bitera abantu benshi agahinda

Trump yanenzwe bikomeye na mushiki we ko ibikorwa bye bitera abantu benshi agahinda

Maryanne Trump Barry yanenze musaza we, Donald Trump, avuga ko ibikorwa bye bitera abantu benshi agahinda; imvugo yaje yiyongera ku z’abandi bo mu muryango w’uyu mugabo uyobora Leta Zunze Ubumwe za Amerika, bakunze kumwibasira mu minsi ishize.

Ikinyamakuru Washington Post nicyo cyabaye icya mbere mu kwandika ku byo mushiki wa Trump amunenga. Hari mu majwi atari yarigeze ashyirwa hanze y’ibyo Maryanne Trump Barry yaganiriye na Mary Trump; bombi bo mu muryango w’uyu mukuru w’igihugu.

Barry yanenze Trump muri icyo kiganiro, avuga ko atishimira uburyo musaza we w’imyaka 74 yitwara, mu buryo anyuza ibitekerezo ku rukuta twe rwa Twitter abeshya. Ati “nta myiteguro. Ububeshyi. Byose ni umwanda”.

Barry wigeze kuba umunyamategeko nibwo bwa mbere yumvikanye anenga Donald Trump, ndetse inshuro nyinshi musaza we yakunze kuvuga ko yamufashije kugira ngo abe ageze ku byo yagezeho.

Yakomeje avuga ko Trump atari umunyakuri ndetse ko muri we yifitemo ubugome bwinshi.