U Buhinde: Amayobera ku kiyaga cyahinduye ibara

U Buhinde: Amayobera ku kiyaga cyahinduye ibara

Mu Buhinde, Ikiyaga cya Lonar giherereye muri Leta ya Maharashtra cyari gisanzwe gifite amazi asa nk’ay’ibindi biyaga, mu buryo butunguranye cyagaragaye amazi yacyo yahinduye ibara ajya gusa n’umutuku, inzobere mu miterere y’isi zivuga ko hari kurebwa icyabiteye.

Kuva amazi y’iki kiyaga yahinduka, abantu batandukanye bakomeje kuvuga ko byaba byaratewe n’ikigero cy’umunyu cyazamutse abandi bagakeka ko byaba byaratewe n’urubobi ruri muri aya mazi.

Umuhanga mu miterere y’Isi, Gajanan Kharat, yatangaje ko muri uyu mwaka ikigero cy’umunyu mu mazi cyazamutse, ndetse ko aribyo bishobora kuba byaratumye ibara ry’aya rihinduka.

Ati “Uyu mwaka kiri kujya gusa umutuku kubera ko ikigero cy’umunyu cyazamutse, ingano y’amazi y’ikiyaga yaragabanutse, ikiyaga kigabanuka mu bujyakuzimu kubera ibyo umunyu urazamuka utuma hababo uguhinduka.”

Kharat yakomeje avuga ko hari gukorwa ubushakashatsi bugamije kureba niba urubobi rw’umutuku rusanzwe ruba muri iki kiyaga rwaba rufite uruhare mu guhindura ibara amazi yacyo.

Iki kiyaga kiri mu bikunda gusurwa cyane na ba mukerarugendo, giherereye mu bilometero 500 mu Burasirazuba bw’Umurwa Mukuru, Mumbai; abahanga bavuga ko cyavutse mu myaka ibihumbi 50 ishize bitewe n’ingaruka z’ikibuye cyari kimaze kugonga Isi.

Si ubwa mbere amazi y’ikiyaga ahinduye ibara kuko ibi byabaye no ku ku gice kimwe cy’Ikiyaga cya Utah giherereye muri Amerika n’icya Hillier kiri muri Australie.