U Butaliyani: Ikigo cy’ababikira cyafunze imiryango kuko uwari ukiyoboye yiboneye umugabo

U Butaliyani: Ikigo cy’ababikira cyafunze imiryango kuko uwari ukiyoboye yiboneye umugabo

Ikigo cy’ababikira cya Tuscan mu gace ka Sansepolcro mu Butaliyani cyatafunze imiryango nyuma y’uko umwe mu babikira wakiyoboraga akundanye n’umugabo.

Hari hashize imyaka ine icyo kigo cyongeye gufungura imiryango, Maria Teresa w’imyaka 40 aba ari we ukiyobora.

Iki kigo kiri imbere mu kindi kigo cy’abadapiri cyashinzwe mu kinyejana cya 17, kikaba cyari mu maboko y’ababikilira b’aba-Benedictine.

Ikinyamakuru Telegraph cyatangaje ko Maria Teresa aherutse kubona umukunzi w’umugabo muri ako gace, agahita yirukanwa.

Uyu mubikira yari ashinzwe ibijyanye no kuvugurura ndetse no kwakira abashyitsi basura ikigo dore ko cyajyaga cyakira ibirori birimo ubukwe, za batisumu n’ibindi.

Impamvu ikigo cyahise gifungwa ni uko cyari gisigaranye ababikira batatu, umwe amaze imyaka 80 ari umubikira ku buryo yari ashaje naho abandi babiri ari bashya ku buryo batashobora kuyobora ikigo.