Uganda: Abadepite basabwe 'kurya bitonze badacuranwa no kutuzuza amasahani' mu nama ikomeye bazakira

Uganda: Abadepite basabwe 'kurya bitonze badacuranwa no kutuzuza amasahani' mu nama ikomeye bazakira

Umukuru w'inteko ya Uganda yahaye abadepite amabwiriza akaze arimo "kwitwara neza bishoboka byose" mu nama iteganyijwe mu mpera y'uku kwezi izaba irimo abashyitsi baturutse mu bice bitandukanye by'isi.

Iyi nama y'abadepite bo mu muryango wa Commonwealth w'ibihugu bikoresha ururimi rw'Icyongereza - byinshi muri byo byahoze bikolonizwa n'Ubwongereza - izabera mu murwa mukuru Kampala guhera ku itariki ya 22 y'uku kwezi kwa cyenda kugera ku itariki ya 29 y'uku kwezi.

Byitezwe ko izitabirwa n'abantu barenga 1,000.

Nkuko bitangazwa n'ikinyamakuru Daily Monitor cyo muri Uganda, Rebecca Kadaga ukuriye inteko ya Uganda yasabye abadepite kuzitwara nk'abantu barezwe neza, kubahiriza imyambarire yateganyijwe ndetse no "kutamenyera cyane abashyitsi".

Mu nama yabaye ku wa gatatu w'iki cyumweru, Madamu Kadaga yanatanze amabwiriza yuko bagomba kwitwara mu nzu yo kuriramo ('cantine') y'inteko.

Ati: "Mu gihe mupakira amasahani yanyu...ntimukarenze urugero. Ntimukavange ibyo kwikuza [dessert] n'inyama [cyangwa] matooke [ibitoki bitogosheje] n'isupu".

Yongeyeho ati: "Mu gihe muri kurya, niyo mwaba mushonje cyane, mwicuranwa".

Madamu Kadaga yaninginze abadepite n'abakozi bo mu nteko kutazanywa ngo barenze urugero.

Ati: "Kunywa mukwiye kubikorera mu ngo zanyu kandi mukirinda kugira umwuka w'inzoga mu gitondo".

BBC