Umubano w'Afurika y'Epfo n'u Rwanda wongeye kuzamo agatotsi kubera kayumba Nyamwasa

Umubano w'Afurika y'Epfo n'u Rwanda wongeye kuzamo agatotsi kubera kayumba Nyamwasa

Igihugu cy'afurika y'epfo cyahamagaje uwugihagarariye mu Rwanda kubera amagambo yo gusebya ministiri w'ububanyi n'amahanga w'icyo gihugu.

Ndivhowo Mabaya, umuvugizi wa ministiri w'ububanyi n'amahanga w'Afurika y'epfo, yabwiye itangazamakuru ko leta y'Afurika y'epfo yahamagaje ambasaderi wayo mu Rwanda, George Nkosinati Twala, kugira ngo bajye inama. Yanavuze ko yahamagaje na ambasaderi w'u Rwanda muri Afurika y'epfo, Vicent Karega.

 Ndivhowo Mabaya yavuze ko leta yatangiye ibikorwa byo gusubukura umubano hagati y'ibihugu byombi, ikaba ari imwe mu mpamvu zo guhamagaza ambasaderi wabo mu Rwanda. Ariko yanavuze ko ministeri y'ububanyi n'amahanga yababajwe n'amagambo yo gusebanya yanditswe ku mbuga nkoranyambanga n'amagambo yakoreshejwe n'umunyamabanga wa leta.

Yavuze ko ambasaderi w'u Rwanda muri Afurika y'epfo, Vicent Karega, yahamagajwe maze amanyeshwa akababaro k'Afurika y'epfo. Yavuze ko amagambo yakoreshejwe n'umutegetsi wo mu Rwanda atemewe kandi agomba guhagarara vuba. Yavuze ko Afurika y'epfo yifuza kugirana umubano mwiza n'u Rwanda ariko bigakorwa hadakoreshejwe gusebanya ku mbuga nkoranyambaga no gukoresha amagambo adakoreshwa muri diplomasi.

 U Rwanda ruzemera Kubonana na Kayumba Nyamwasa?

Agatotsi hagati y'Afurika y'epfo n'u Rwanda katewe n'uko minisitiri w'ububanyi n'amahanga w'icyo gihugu, Lindiwe Sisulu, yemereye mu nama y'abanyamakuru ko mu kwezi gushize yabonanye na Kayumba Nyamwasa, wahungiye muri icyo gihugu. Iyo nama ya Kayumba na minisitiri Lindiwe Sisulu yarakaje u Rwanda, bituma umunyamabanga wa leta, Oliveri Ndugungirehe, yandika ku rubuga nkoranyambaga rwa Twitter amagambo yababaje Afurika y'epfo.