Umugore wakoraga mu rugo yatawe muri yombi azira gufata ku ngufu umuhungu w’imyaka 11 yareraga bimuviramo gutwara inda ye

Umugore wakoraga mu rugo yatawe muri yombi azira gufata ku ngufu umuhungu w’imyaka 11 yareraga bimuviramo gutwara inda ye

Uwahoze ari umukozi wo mu rugo witwa Marissa Mowry w’imyaka 28 yakatiwe igifungo cy’imyaka 20 nyuma yo guhamwa n’icyaha cyo gufata ku ngufu umwana w’umuhungu w’imyaka 11 bikamuviramo gutwara inda ye.

Uyu mugore yasambanye n’uyu mwana ku ngufu inshuro 15 birangira amuteye inda nkuko urukiko rwo muri Leta ya Arizona muri Amerika rwabyemeje.

Uyu mugore yasambanyije ku ngufu uyu mwana yareraga mu mwaka wa 2014 ubwo yari afite imyaka 11 gusa yatawe muri yombi ashyikirizwa urukiko muri uyu mwaka ubwo uyu mwana yasambanyaga ku ngufu yuzuzaga imyaka 17.

Nkuko uyu mwana yabitangarije nyina bigatuma yitabaza inkiko,uyu mugore yakomeje kumufata ku ngufu nyuma yo kumubyarira, kugeza agize imyaka 14 y’amavuko.

Uyu mwana w’imyaka 17 niwe wahawe inshingano zo kurera uwo yabyaranye n’uyu Mowry wamufashe ku ngufu nyuma yo gufungwa.Ubu amujyana ku ishuli mbere y’uko nawe ajya kwiga.

Kuwa Kane nibwo uyu mugore yakatiwe igifungo cy’imyaka 20,nyuma y’impaka ndende zatewe na nyina w’uyu muhungu wavuze ko iyi nda Mowry yayitewe n’uwari umukunzi we hitabajwe ibizamini bya DNA bigaragaza ko ari umwana we wayimuteye.