Umuhanzi w’icyamamare Manu Dibango yahitanwe na Coronavirus

Umuhanzi w’icyamamare Manu Dibango yahitanwe na Coronavirus

Umuririmbyi w’icyamamare wo muri Cameroun witwa Emmanuel N’Djoké Dibango wari uzwi nka Manu Dibango yishwe n’icyorezo cya COVID19. Apfuye afite imyaka 86.

Uyu Manu Dibango wari icyamamare mu kuvuza igikoresho cya muzika kitwa Saxophone yishwe na Covid-19.

Emmanuel N’Djoké Dibango yamenyekanye cyane kubera indirimbo nka "Soul Makossa" yakunzwe cyane mu myaka ya 1980.

Amakuru y’ururpfu rwe yatangajwe ku rubuga rwe rwa Facebook, ko “Manu Dibango yapfuye uyu munsi ku myaka 86 azize Covid-19”.

Ryagiraga riti "N’agahinda kenshi turashaka gutangaza ko Manu Dibango yatuvuyemo ku myaka 86 azize Covid-19."

Uyu muhanzi yasanganwe Covid-19 kuwa 18 Werurwe 2020,ajyanwa kwa muganga ariko ntiyabashije kurokoka.