Umunyamakuru wa KT Radio yatatse umukunzi we amwifuriza isabukuru nziza y’amavuko

Umunyamakuru wa KT Radio yatatse umukunzi we amwifuriza isabukuru nziza y’amavuko
Umunyamakuru Isaac Kuradusenge ukorera KT Radio, yavuze imyato umukunzi we, Kayumba Sylivie, ubwo yamwifurizaga isabukuru nziza y’amavuko.

Isaac Kuradusenge ni umwe mu bagize itsinda ry’abanyamakuru ba Siporo bakora ibiganiro by’imikino kuri KT Radio iri muri Radiyo za mbere zikunzwe mu gihugu.

Mu butumwa uyu musore yasangije abamukurikira ku rubuga rwe rwa Instagram, yataatse umukunzi we amubwira ko urukundo nyakuri yarubonye iwe.

Ati: "Amahitamo anyuze umutima, uguhitamo kutagira ukwa kabiri, urukundo rwuzuye uwaruhawe, umwiza w’i Bwanacyambwe (Kigali) yavutse uyu munsi. Urukundo nyakuri narusanze muri njye wa kabiri."

Kuradusenge yakomeje avuga ko gukunda uriya munya-Kigali we ari amahitamo anoze, ashimangira ko igisobanuro cy’uwo ari we kizwi na bo bombi.

Yunzemo ati: "Amagambo ntashira, ibisigaye uryoherwe n’umunsi wawe Kayumba Sylivie, ndagukunda mukunzi."

Kayumba wa Kuradusenge na we ajya anyuzamo kuri Instagram agashimangira urwo akunda umukunzi we winjiye muri Kigali aturutse mu Gitovu ya Burera.

Isaac Kuradusenge uri mu banyamakuru bakunzwe mu biganiro bya Siporo mu gihugu, yageze kuri KT Radio mu mwaka ushize avuye kuri Radiyo Authentic.

Ni nyuma yo gusoza amasomo mu Ishuri ry’Itangazamakuru n’Itumanaho muri Kaminuza y’u Rwanda muri 2017.

Kayumba wa Kuradusenge

like
0
dislike
0
love
0
funny
0
angry
0
sad
0
wow
0