Umusaza w’imyaka 70 yafatiwe mu cyuho asambanya umwuzukuru w’imyaka 5 y’amavuko

Umusaza w’imyaka 70 yafatiwe mu cyuho asambanya umwuzukuru w’imyaka 5 y’amavuko

Umusaza Keya Kafeero w’imyaka 70 y’amavuko utuye mu gace ka Buhirigi mu karere ka Hoima muri Uganda, yatawe muri yombi na polisi y’igihugu akekwaho icyaha cyo gusambanya umwuzukuru we w’umukobwa ufite imyaka 5 y’amavuko.

Nyina w’uyu mwana yasobanuye ko yari yamutumye amasahani mu nzu ya sekuru kuri uyu wa mbere tariki ya 10 Gashyantare 2020, arategereza niba agaruka, araheba nk’uko The Daily Monitor dukesha aya makuru yabitangaje.

Byatumye ajya kureba icyamubayeho, asanga sekuru ari kumusambanya.

Julius Mukiza uvugira polisi muri aka gace yagize ati: “Nyuma yo gutegereza umwana akamubura, nyina yagiye kureba ikibazo afite, asanga Kafeero ari kumusambanya.”

Nyina w’uyu mwana, akimara gufatira mu cyuho Kafeero, yavugije akamo maze abaturage baza gutabara, ni ko guhondagura uyu musaza baramunoza, gusa abayobozi b’aho ngaho batamutabaye, bahita banamwoherereza kuri Sitasiyo ya Polisi ya Kigorobya. Iperereza riracyakomeje mbere y’uko Kafeero ashyikirizwa ubushinjacyaha.

Imyitwarire y’ikiremwamuntu ikomeje guhindangana, aho umusaza rukukuri ashobora gufata umwana ku ngufu, umugore akica umugabo cyangwa umwana we, cyangwa se umuntu agasambanya inyamaswa.

Muri Uganda na none, ntihari haciye kabiri umugabo witwa Muludin Mbazira utuye mu mudugudu wa Bulyampidi, mu gace ka Imanyiro ho mu karere ka Mayuge afatiwe mu cyuho asambanya inka y’umuturanyi we. Ibi yabikoze tariki ya 8 Gashyantare 2020, akimara gufatwa, ategekwa kuyikwa miliyoni 2 z’amashilingi ya Uganda, maze akayirongora nk’uko bigenda ku mukwe n’umugeni.