Wa munyeshuli Bizimana yagonzwe n’ ikamyo avuye gufata ikanzu yambara abarangije Kaminuza yashyinguwe

Wa munyeshuli Bizimana yagonzwe n’ ikamyo avuye gufata ikanzu yambara abarangije Kaminuza yashyinguwe

Umuhango wo gushyingura Bizimana Pierre witabye Imana avuye gufata ikanzu yari kwambara kuri uyu wa 8 Ugushyingo 2019 yashyinguwe mu irimbi riri iwabo mu karere ka Kamonyi mu mu marira menshi.

Uyu munyeshuri wari urangije muri Kaminuza y’ u Rwanda ishami rya Huye ibijyanye na Finance yagonzwe n’ ikamyo ku wa 4 Ugushyingo ubwo yari avuye I Kigali gufata ikanzu yo kwambara ku munsi wo kurangiza kaminuza ‘graduation’.

Ikamyo yamugonze ubwo yari ageze mu gace iwabo batuyemo ari mu muhanda agiye kugura ibikoresho byo kuzakoresha mu birori bya ‘graduation’.

Mbere yo gushyingurwa habanje amasengesho yabereye mu rusengero rw’ abadivantiste arinaryo dini yasengeragamo.

Uwavuze mu izina ry’ umuryango Bizimana yavukagamo yavuze ko uyu musore yari umuntu mwiza wicisha bugufi, avuga ko babajwe no kuba agiye kare gusa yongera ko nta kundi byagenda.

Uwari uhagarariye Kaminuza y’ u Rwanda mu muhango wo yavuze ko ubutumwa afite ari ubutumwa bwo guhumurira abasigaye avuga ko Kaminuza y’ u Rwanda yifatanyije nawo muri ibi bihe bitoroshye byo kubura umwana wabo.