Zambia: Minisitiri Mabunda yirukanwe azira kwikinisha mu ruhame

Zambia: Minisitiri Mabunda yirukanwe azira kwikinisha mu ruhame
Perezida wa Zambia, Edgar Lungu, yirukanye ku mirimo Hon. David Mabunda wari Minisitiri w’Uburezi Rusange mu gihugu nyuma ya videwo ye yashyizwe ku karubanda arimo yikinisha.

Ku mugoroba wo ku wa gatatu tariki ya 29 Nyakanga, Perezida Edgar Lungu yatangaje ko yirukanye Minisitiri Mabumba kandi uwo mwanzuro ugahita utangira kubahirizwa, gusa ntihahita hamenyekana icyatumye amwirukana.

Perezida Edgar Lungu abinyijije kuri Twitter yagize ati: "Nakuye ku mirimo Minisitiri w’Uburezi Rusange Hon David Mabumba kandi bigahita byubahirizwa. Namushimiye kuri serivisi yahaye igihugu kandi mwifuriza ibyiza mu mirimo ye yo mu gihe kizaza."

Perezida Edgar Lungu ntiyigeze atangaza amakosa Minisitiri Mabumba yazize, gusa nyuma y’ubutumwa bwe Videwo y’uriya mukambwe w’imyaka 70 y’amavuko yatangiye gusakara ku mbuga nkoranyambaga imugaragaza yikinisha.

David Mabumba wanabaye Minisitiri ushinzwe Ingufu muri Guverinoma ya Zambia, ntacyo aratangaza kuri ariya mashusho y’ubwambure bwe yagiye ku karubanda cyangwa ku iyirukanwa rye.

Perezida Edgar Lungu nyuma yo kumwirukana yahise amusimbuza Dennis Wachinga wari usanzwe ari Minisitiri w’Ingufu.

Polisi ya Zambia yavuze ko iri gukora iperereza ngo imenye impamvu ubwambure bw’uriya mu Minisitiri bwagiye ku karubanda, mu gihe Minisitiri wa Zambia ushinzwe Ibikorwa by’Ubuyobozi bw’Igihugu, Reverend Godfridah Sumaili, yasabye abaturage guhagarika kuyakwirakwiza.

Madamu Sumaili yabwiye itangazamakuru ryo muri Zambia ko gukomeza kuwirakwiza ariya mashusho yamaze gusakara ahantu hose ari ubwiyandarike, bityo bikaba bidakwiye.

What's Your Reaction?

like
0
dislike
0
love
0
funny
0
angry
0
sad
0
wow
0